Tag Archives: toilet paper

現年57歲的麥翠嫻，83年畢業於亞視第一屆藝訓班入行，甫出道便擔正做女主角。曾經是亞視前老闆、已故邱德根愛將的麥翠嫻，早前接受《蘋果》專訪，也難忘在亞視當花旦時，經歷自己帶廁紙、鉛筆返工的日子。難得的是，麥翠嫻在老公生意失敗時，她繼續發揮賢內助本色，默默在旁守護。
亞視昔日當家花旦麥翠嫻，當年藝訓班畢業後風頭一時無兩，拍第一齣劇集，便跟李影、禤素霞、魏秋樺、蔡瓊輝、馬敏兒、葉玉萍和蔡倩兒八名花旦，合演電視劇《八美圖》。當年美國前總統卡特（Jimmy Carter）伉儷到港參觀亞視，麥翠嫻更可以陪老闆邱德根獻花。
回憶往事，麥翠嫻一臉自豪地說：「咁多朝，得邱生係有盈餘，當年真係自己帶廁紙同筆返工，因為規定每日用四格廁紙，筆要用完攞番舊嗰支筆芯去換。以前大家覺得佢好孤寒，其實佢好前衞，響應環保，睇到好多嘢。記得以前台慶，邱生會派每人一封遠東銀行嘅5元利是券，但開戶係要10元，哈哈，佢思維就係要你唔准懶，唔勤力就會嘥咗5元，員工亦好醒，集腋成裘開一個戶口攞錢。但邱生就好睇得起我，專登叫『翠嫻、翠嫻』，跟住就喺西裝暗格拎咗一封利是，原來係300元現金利是，我拎住封利是都好感動。」
90年代，麥翠嫻被無綫挖角，過檔後第一部演出的劇集，便與當時得令的藍潔瑛和商天娥合演《摘星的女人》。90年代末，麥翠嫻與商人龔汝華結婚後息影，婚後育有一女一子，她說：「當年冇唔捨得，唔同階段就做唔同嘅嘢，結婚後就要家庭行先，要對小朋友負責任，由佢哋幼稚園、小學、中學我都follow住。」
現時大女Vicci已經22歲兼大學畢業，21歲細仔Katio則在瑞士讀酒店管理，最近返港實習。問到仔女有沒有想過當「星二代」？麥翠嫻說：「佢哋都有音樂同藝術細胞，阿女讀中學嗰陣已經有參加校內嘅choir，同女拔比賽贏過一次。佢仲參加過『Opera HK青少年團』，即係莫華倫嗰個，又同羅馬劇院有合作演出。但而家在大個咗，佢鍾意金融管理，入咗ibank。而阿仔就讀酒店管理，佢哋都係想專注自己嘅工作多啲。」
說起仔女麥翠嫻立即露出甜笑，但其實麥翠嫻夫婦曾經歷生意失敗，近年已東山再起。麥翠嫻稱小時候家貧，甚麼苦都捱過：「我有四兄弟姊妹，我讀幼稚園已經要孭住最細嘅細佬一齊返學，人哋睇就好易，我仲要幫屋企做家頭細務，同做手作仔賺錢。煮飯、換燈膽、電視駁線、木工乜都難唔到我㗎。」
與丈夫龔汝華結婚逾20年，麥翠嫻表示仍然好恩愛，如今仔大女大，她除了幫丈夫打理鐘錶生意外，幾年前還復出登台、拍港台劇和參演舞台劇。早前更與一班舊亞視之友小強甄志強及十一哥何國材等合演音樂劇，又應邀演出港台劇《運輸背後》，自言過足戲癮。
場地提供：嘉力斯鐘錶公司
精選娛聞，喺晒《娛果》
http://fb.com/appledailyent
第二屆最港電影大獎投票網址
https://bit.ly/thekongestfilmawards2018
3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb

財政預算案公佈，政府預留逾6億元公帑翻新全港四份一、即約240所公廁，平均每所廁所獲250萬公帑。其實過去政府亦曾批出撥款翻新公廁，《蘋果》走訪兩所均屬近6年曾作翻新的公廁，其中一所更斥資逾千萬豪裝，惟衞生情況均未如理想，部份設備更處於損毀或失靈狀況，等候維修的告示掛滿公廁，有清潔工和市民認為與人手不足、公廁設計問題以及市民欠缺公德心有關，直言：「掉2,500萬落嚟都無用！個廁所根本設計就有問題」。
相關新聞：【預算案】基層學生獲$2,500資助 家長盼所有學生獲津貼
政府消息人士指，財政預算案將撥款翻新240所位於市區、使用率高的公廁，攤分後每所獲撥款約250萬，工程包括增添感應式水龍頭、自動乾手機和LED燈等，部份或包括通風設備維修。2012/13年度曾斥資306萬元翻新的荃灣柴灣角公廁，《蘋果》今早於公廁內視察，早上已有兩名食環外判清潔工到場，每隔約半小時就清洗一次，不過男廁內3個感應式水龍頭有1個感應不良，而4格廁格均掛上「電子沖廁 已報維修」告示，另外有1個尿盆就出現電子沖廁感應器損毀問題。至於女廁雖未有發出惡臭，但每格電子沖廁感應器均同告損壞，貼上「電子沖廁 已報維修」告示。
人手不足也是公廁環境惡劣的原因，有清潔工認為柴灣角公廁已較不少公廁情況更佳，「最緊要肯做，而家好多人唔肯」，但他直言「掉2,500萬落嚟都無用！個廁所根本設計就有問題。」認為即使再增撥翻新費用，問題仍會存在。
相關新聞：【預算案論壇9pm Live】波叔今日交功課 議員學者一齊睇清楚
有任裝修工程經驗人士分析，柴灣角公廁內幾大設計迷思。首先指廁內通風設計，指該批位於便盆或坐、蹲廁旁的金屬通風口，物料使用非防鏽金屬，「廁所成日咁多水，一潮濕就爛」，他又指水龍頭用按鈕式比自動感應更合適，認為潮濕環境內用電子感應器難免損毀。至於通風、去水口經常損壞，他指該廁內清潔工會動手通風通渠，「自己整仲快，叫人嚟自己都整好」。但化糞池則是一大難題，指該設計令池中常滿，4格廁所都難沖走污穢物。
旺角洗衣街公園男廁臭氣熏天 至於旺角洗衣街公園公廁女廁，政府於2013/14年度斥資1,500萬元翻新，屬近年最貴公廁翻新工程。記者今早視察女廁時，發現廁所格數雖多，但只有一格有廁紙供應，不少廁紙架亦已見生鏽。而男廁問題更見嚴重，未踏入廁內就有臭味傳出，記者測試廁盆旁抽風系統均有運作；而去水又是另一難題，記者倒入少量茶水測試，明顯見去水緩慢，兩個問題均會導致地上現積水，令廁所傳出惡臭。而旺角公廁內的金屬梘液泵，最少4個已告損壞、泵嘴斷開或掉下，無法唧出梘液，亦有感應式水龍頭出水微弱。
受訪者續言，多所公廁衞生情況差，雖考慮部份廁所使用率高，「呢頭洗完嗰頭又污糟返，無辦法」，又指要清潔工忍受最低工資（即一日280元），確難令工人全心投入工作。亦有清潔工說，「呢行厭惡性行業，唔係個個肯做，（250萬元翻新？）加人工好過啦」。
公廁設備多損壞，糞尿跡更隨處可現。中六梁同學表示，當局改善通風系統，相信公廁臭味定可減低，但糞尿等則歸咎於使用者，「公德心問題根本間接造成衞生問題，如果大家有公德心啲，成件事就會好好多」。
旅遊界立法會議員姚思榮透露，早前向當局建議翻新部份景點區、使用率高公廁，估計當局先從「硬件」着手，料每所250萬元難做到整所公廁浴火重生，但會更換損壞、生鏽設備。他相信「軟件」如改善外判制度與薪酬，和食環隊加強巡查等措施會同時出台，姚料預算案後將會在工務小組委員會中，盡快討論。
10萬蚊 100人分！
星期一至五晚上10點半
《動腦Q》Let's Q the money！
http://bit.ly/2QW8LcI