Monthly Archives: 6 月 2019

【難頂病人無罩咳嗽】遇鄰座乘客公然「採礦」 葉德嫻:講起都核突 – 香港蘋果日報

影后葉德嫻(Deanie姐)最近接受運輸署聯同港鐵及巴士公司邀請,拍攝一條3分鐘的宣傳片,全程「Mean爆」無禮乘客,推廣「搭車顧自己,都要顧人哋」的訊息,提醒大眾注意乘車安全和禮貌。
相關新聞:Deanie姐3分鐘寸爆12無禮客 籲搭巴士港鐵顧己及人
原來Deanie姐都試過「身受其害」,曾搭港鐵時遇到無禮乘客,她接受《蘋果》電話訪問列數多宗罪:「多得很啦,譬如話女士,好多女士長頭髮,喺人多時會揈頭,唔會理後面有冇人,佢會突然間揈頭,我想問佢用邊隻護髮素?點解啲頭髮咁硬呢?佢就矋吓我囉;仲有啲人紥類似古裝嘅道士馬尾,喺地鐵或巴士裏面,你擺嚟擺去就會掂到人,其實應該要顧及其他人,你唔係搭緊私家車,你搭緊係公共汽車。」
Deanie姐覺得最難接受,就是有病唔戴口罩:「後生或老嘅女人同男人都有嘅,例如唔掩口喺度咳、打乞嗤,有啲人仲咳到聽到有好多痰喺肺度,佢哋好似仲唔覺得呢啲係問題,反而覺得你應該可憐我:『我咳呀!』呢啲咁討厭嘅嘢囉,有陣時睇到呢啲人,你會覺得:乜嘢人種嚟㗎?係我哋香港人種嚟咩?」
Deanie姐越講越勞氣:「又例如有啲人坐喺度蹺腳、伸隻腳出嚟嗰啲,你諗吓地鐵個位有幾闊呢?如果你同佢講:『小姐/先生,麻煩你唔好蹺腳,畀番少少位嚟!』咁佢又會畀說話你聽:『咁我生得高嘛!』我話:『如果你瞓喺度仲高!』你會睇到有呢啲情形出現,仲有好多,反而最多見到係男人撩鼻屎,仲要抆出嚟有少少鼻涕黐住嗰啲,講起都核突,呢啲都係我親眼見,我正想攞紙巾畀佢時,佢可能唔知彈咗去邊,呢個我冇出聲,因為真係太過尷尬,有啲女人好得人驚,生得好靚、手甲搽到好靚,都喺度撩㗎,呢啲係好難頂。」
眾所周知港鐵車廂內不准飲食,Deanie姐就曾直斥違規乘客:「有個大肥佬夾銀包喺胳肋底,佢喺度開樽水飲,我行埋去同佢講:『先生,地鐵唔可以飲食。』就畀佢睥我啦,鬧我死八婆乜乜乜,我唔理佢認唔認到我,可能我戴咗口罩,平時我都會戴口罩,因為空氣污糟。變咗佢會惱羞成怒鬧我,唔緊要嘅;亦見過兩個小朋友同父母坐一行食麥當勞,我行埋去同佢講:『太太,地鐵唔可以飲食。』佢話:『咁細路仔肚餓吖嘛!』我惟有話:『好呀,你教得好!』」Deanie姐一口氣再數:「有啲關愛座,有啲人唔會讓座畀婆婆坐,閤埋眼扮瞓覺,仲有啲離譜到企喺輪椅位,啲輪椅上到嚟佢哋唔行開,等輪椅嗰個人蕩嚟蕩去,我出聲:呢個係輪椅位,佢哋眼超超。」
Deanie姐坦言:「呢啲我其實好失望,人嘅質地可以低到咁樣,都係大人大姐,唔係細路哥,睇到呢啲你會覺得:弊啦!弊啦!我哋個係乜嘢社會,有啲咁嘅人出嚟!」
問到有網民提議拍埋國語版給大陸人看,Deanie姐說:「我覺得咁樣唔啱,你可以配音,但配得國語就要配埋英文,因為我認為並非大陸人係咁,我哋香港人都唔差㗎,我哋香港人都好厲害,同大陸人有得比,大家都係衝入車去霸位,絕對唔可以話嗰啲只係大陸人,當然大陸人都有離譜啲嘅,譬如鋪張報紙就畀細路哥小便,佢嘅文化背景唔同,我覺得要做多啲宣傳,每個交通工具都要做,地鐵、巴士都要做多啲宣傳,其實唔可以一面倒怪乘客,有啲可能乘客唔知,譬如梅窩船可以飲食,但愉景灣船係唔得,所以要做多啲宣傳,我覺得咁樣先公道。」
精選娛聞,喺晒《娛果》
http://fb.com/appledailyent
第二屆最港電影大獎投票網址
https://bit.ly/thekongestfilmawards2018
10萬蚊 100人分!
星期一至五晚上10點半
《動腦Q》Let's Q the money!
http://bit.ly/2QW8LcI

有政黨隨機巡查67個公廁 公布全港十大最差公廁名單

民建聯公布全港十大最差公廁調查結果,在衛生方面,元朗康景街男公廁衛生惡劣,例如坐廁長期有水積、臭味、地板及垃圾桶等不清潔,被列為十大最差公廁之一。另外,荃灣香車街的男女公廁經常沒有洗手液及廁紙提供,巡查員多次巡查後的情況依舊。其他被列為十大最差公廁的亦包括跑馬地成和道公廁、深水埗欽州街公廁、北河街街市公廁、荃灣德華公園公廁、東涌達東路公廁等。當中有5個公廁位於九龍區。民建聯於上月至本月初進行調查,隨機抽樣巡查67個公廁,包括坐廁、地板、洗手盤清潔、廁紙供應等情況。對於消息指財政預算案將撥款5億元翻新公廁,民建聯立法會議員鄭泳舜表示,如何用這筆撥款值得探討,不希望只用於有破損的地方便純粹修好。又建議在18區中,為相對較有問題的公廁排次序,先處理環境較差的公廁,並檢討外判清潔工價低者得的招標機制、善用科技研究新式空氣淨化系統等措施,改善公廁質素。

即時要聞: 最差公廁大搜查 港九新界總有一個喺左近! 議員促檢討招標機制

有消息指,財政預算案會將預留逾5億元,翻新全港逾200個公廁。民建聯於今年1月至2月初進行「最差公廁大搜查」,派義工到較多市民投訴的67個公廁巡查,就坐廁、地板、洗手盤清潔等進行評審,選出男女廁各十個最差公廁,包括香港仔海濱公園公廁、荃灣德華公園公廁、東涌達東路公廁、深水埗欽州街公廁等。
民建聯立法會議員鄭泳舜表示,公廁最常見三大問題,包括衛生欠佳、洗手液和廁紙未及補充和設施損壞。他說:「廁所有臭味、地板、坐廁唔乾淨」,例如元朗康景街男公廁衛生情況惡劣。同時,公廁抽水系統、廁隔門鎖等長期損壞,但未及早維修,因公廁由食環署管理,而維修由建築署負責,部門之間未能有效協調,維修往往拖至以月計。
他建議,政府檢討「價低者得」的招標機制,提升服務質素和改善員工待遇,要求承辦商嚴格執行清潔守則;引入第三方監察和提出改善,考慮可由區議會負責;設立公廁設施損毀維修服務承諾,解決維修慢的問題。
深水埗區議員劉佩玉建議,所有公廁設駐場清潔員;為廁紙和洗手液訂衛生標準;引入智能科技提升公廁管理,包括設人流監察器。
中西區區議員楊開永則建議,研究應用各類新式空氣淨化系統;全面換智能感應水龍頭和沖水系統;設吹風機確保地面乾爽;改善公廁整體設計和男女廁格比例。
十大最差公廁(排名不分先後) 男廁
香港仔海濱公園公廁
荃灣德華公園公廁
荃灣香車街公廁
跑馬地成和道公廁
東涌達東路公廁
深水埗欽州街公廁
北河街街市公廁
觀塘鯉魚門(嶺南新村)公廁
元朗康景街公廁
西環士美非路市政大廈2樓熟食中心公廁
女廁
香港仔海濱公園公廁
荃灣德華公園公廁
荃灣香車街公廁
跑馬地成和道公廁
東涌達東路公廁
深水埗欽州街公廁
北河街街市公廁
荃灣柴灣角街公廁
將軍澳公共交匯處公廁
黃大仙衙前圍村公廁
資料來源:民建聯

10萬蚊 100人分!
星期一至五晚上10點半
《動腦Q》Let's Q the money!
http://bit.ly/2QW8LcI

台貓主漁護署投訴備案涉盜竊港婦稱病拒自首 (港聞) 2019/02/26

  本月初一名李姓港女涉在台灣偷取兩隻波斯貓並走私回港一案,餘波未了。由台灣來港的貓主張小姐,前日在中區警署報案後,昨日再前往長沙灣漁護署助查,但李姓港女至今仍以健康及精神狀況欠佳為由,拒絕錄取口供,擺出不合作姿態。   張姓貓主日前抵港,前天由友人陪同下到中區警署報案,案件列求警調查。昨晨十一時許,張姓貓主前往長沙灣道政府合署五樓漁護署,向該署投訴及調查部門人員助查,一直逗留至下午五時許才離開。據知,她主要交代失貓的經過。   臨進入該署前,張女士大吐苦水,指涉案李姓港女多番託辭稱病,未往自首,更一度意圖自殘。 被偷兩貓須觀察半年   張小姐曾表示,早前曾一連三天收到李女短訊致歉並稱會投案,後又稱抱恙入院,惟張小姐發現她翌日已出院。張小姐指,尋回的一對波斯貓健康良好,接受打針檢疫後,須等候一百八十天觀察期才可返台,即約半年左右,張女士想起人貓分離,不禁以紙巾拭淚。   漁護署仍未聯絡上李小姐,前日署方回覆本報指會繼續密切並再聯絡疑涉案人士,如發現任何違法行為,本署會採取適當跟進行動。根據《公眾衞生(動物及禽鳥)規例》,違法進口活生動物最高可被判罰款五萬及監禁一年。